भाद्र २, २०८३ / 2026-08-18
काठमाडौँ– दार्चुला पावर लिमिटेडले सर्वसाधारणका लागि साधारण शेयर (आईपीओ) निष्काशन गर्ने भएको छ ।
आईपीओ निष्काशन तथा बिक्री गर्नका लागि कम्पनीले बिक्री प्रबन्धकमा मुक्तिनाथ क्यापिटललाई नियुक्त गरेको छ ।
पावरले जारी पूँजीको २० प्रतिशत अर्थात् ३० लाख कित्ता शेयरको आइपीओ निष्काशन गर्ने भएको हो । कम्पनीकले शेयरको मूल्य प्रतिकित्ता १०० रुपैयाँमा आईपीओ निष्काशन गर्ने छ ।
शेयर निष्काशनसम्बन्धी सम्झौतापत्रमा पावरको तर्फबाट अध्यक्ष सतिश न्यौपाने र क्यापिटलको तर्फबाट प्रमुख कार्यकारी अधिकृत कविन्द्रध्वज जोशीले हस्ताक्षर गरेका छन् ।
कम्पनीले हाल २८.३०४ मेगावाटको मध्यचमेलिया जलविद्युत् आयोजना निर्माण गरिरहेको छ ।
यो आयोजना चमेलिया खोलामा आधारित रन–अफ–रिभरमा आधारित छ । उक्त आयोजना दार्चुलाको मार्मा गाउँपालिका क्षेत्रमा छ । कम्पनीको प्रमुख प्रवर्द्धक तथा लगानीकर्ता अपी पावर कम्पनी लिमिटेड छ ।
