नयाँ दिल्लीमा घर भाडामा लिएर ‘पोर्न मुभी’ बनाउने दम्पति पक्राउ, १५ करोड जफत

नयाँ दिल्ली– भारतको राजधानी नयाँ दिल्लीमा घर भाडामा लिएर अश्लील चलचित्र बनाउने दम्पत्ति पक्राउ परेका छन् । भारतको प्रवर्तन निर्देशनालय (ईडी) ले पोर्न साइटका लागि सामग्री बनाउने दम्पतीलाई नियन्त्रणमा लिएको हो ।

पोर्न बनाउन प्रयोग गरिएको भनिएको उक्त घर दिल्लीको एक अस्पतालमा कार्यरत डाक्टरको नाममा रहेको भारतीय सञ्चार माध्यमले जनाएका छन् । आरोपित दम्पती विगत पाँच–छ वर्षदेखि यहाँ भाडामा बस्दै आएका थिए ।

स्थानीयका अनुसार उक्त दम्पत्ति घर आसपासका मानिसहरुसँग खासै घुलमिल हुने गरेका थिएनन् । जसका कारण यस घटना लामो समयदेखि गुपचुप रहेको हुनसक्ने आशंका गरिएको छ । यी जोडीले पाँच वर्षदेखि पोर्न साइटमा सामग्री उपलब्ध गराउँदै आएको जानकारी प्राप्त भएको छ । उनीहरूले युवतीलाई कोठामा बोलाउँदै फिल्म बनाउने गर्थे ।

उक्त घरमा ईडीले छापा मारेर १५.६६ करोड रुपैयाँ बराबरको अवैध विदेशी रकम फेला पारेको दाबी गरेको छ ।