भाद्र २, २०८३ / 2026-08-18
नयाँ दिल्ली । बलिउड अभिनेता जयदीप अहलावत आजभोलि निकै चर्चामा छन् । उनको ‘पाताल लोक’ सिरिजको नयाँ सिजनले ‘धूम’ मच्चाइरहेको छ । केही दर्शकहरूले त उनको यो सिरिजलाई अहिलेसम्मकै सबैभन्दा राम्रो सिरिज भनिरहेका छन् ।
पाताल लोक अघि जयदीपले कयौँ सिरिज र फिल्ममा काम गरेका छन् । रणवीर कपूरको एनिमलमा यिनले बबी देओलले खेलेको पात्रको भाइको भूमिका निर्वाह गरेका थिए ।
हालै एउटा अन्तरवार्तामा अभिनेतालाई ‘के तपाईँ रोमान्टिक फिल्म खेल्न चाहनु हुन्छ ?’ भनेर सोधिएको थियो । यस प्रश्नको जवाफमा उनले खेल्न त चाहन्छु तर कुनै फिल्म मेकरले आफूलाई यस्तो भूमिकामा खेलाउन नचाहेको बताएका थिए ।
