बिहान ६ बजेर ४५ मिनेटमा बझाङ केन्द्र भएर भूकम्प

काठमाडौं– बझाङ केन्द्र भएर भूकम्प गएको छ। आइतबार बिहान ६ बजेर ४५ मिनेटमा बजाङको काँडा केन्द्र भएर भूकम्प गएको हो। 

भूकम्पको तीव्रता ३।४ रेक्टरस्केल मापन भएको राष्ट्रिय भूकम्प मापन तथा अनुसन्धान केन्द्रले जनाएको छ। भूकम्पको धक्का बझाङसहित बैतडी, दार्चुला, बाजुरा, अछाम, डेडेलधुरा र डोटी लगायत पहाडी जिल्लामा महसुस गरिएको स्थानीयहरुले बताएका छन्। 

यसअघि गत असोज १६ गते बझाङ नै केन्द्र भएर ५।३ रेक्टर स्केलको भूकम्प जाँदा १ जनाको मृत्यु हुनुका साथै ठूलो मात्रामा भौतिक संरचनामा क्षति पुगेको थियो। त्यसयता बजाङ केन्द्र भएर दर्जनौं भूकम्पका धक्का महसुस भएका छन्।