जेठ ६, २०८३ / 2026-05-20
ललितपुर । ललितपुर क्षेत्र नं १ (१) नेपाल कम्युनिष्ट पार्टी (एमाले) बागमती प्रदेशसभा सदस्यका उम्मेदवार मधुसुदन पौडेलले आउँदो निर्वाचनमा आफू र आफ्ना पार्टीका साथीले विजय हासिल गरे प्रादेशिक विश्वविद्यालय स्थापना गर्ने योजना बनाइरहेको सुनाउनुभएको छ ।
मुलुकमा रहको शिक्षाको गुणस्तर वृद्धि गर्न र समय सान्दर्भीक शिक्षा प्रदान गराउन उहाँले सो कामलाई अघि सार्ने भएको बताउनुभएको हो ।
आफू नीति निर्माणको तहमा पुगेपछि नेपालको शिक्षा मार्फत दक्ष, सक्षम र योग्य जनशक्ति तयार गराउन बागमती प्रदेश सरकार मातहतको विश्वविद्यालय स्थापना गर्ने सोच बनाइरहेको पौडेलले बताउनुभयो । उहाँले भन्नुभयो, “यस विश्वविद्यालयले देशका साथै प्रदेशलाई आवश्यक पर्ने दक्षजनशक्ति उत्पादन गर्न मद्धत पुग्नेछ । प्राविधिक र गुणस्तरीय शिक्षा हालको आवश्यकता रहेकाले बताउँदै पौडेलले सो तवरको शिक्षा उक्त विश्वविद्यालयबाट प्रदान गर्ने नीति निर्माण गरिने उहाँको भनाइ रहेको छ ।
प्रादेशिक विश्वविद्यालयले प्रदेशको सम्भावना, पहिचान र विशेषतालाई समेत अघि बढाउन सफल हुने पौडेलको बुझाइ रहेको छ ।
सोका अलवा पौडेलको शिक्षा तर्फका अन्य योजना भने ललितपुरमा रहेका सामुदायिक विद्यालयलाई थप व्यवस्थीत गर्ने । सामुदायिक विद्यालय प्रति जनताको आकर्षण बढाउने काम गर्ने समेत वचनवद्धता व्यक्त गर्नुभएको छ ।
