जेठ ५, २०८३ / 2026-05-19
ललितपुर । जवाहरलाल नेहरु विश्वविद्यालयबाट पीएचडी, पत्रकार, खोज अनुसन्धानकर्ता, साहित्यकार, फुटबल, एथलेटिक्स र कराँतेका पूर्वखेलाडी, समाजसेवी, प्रखरवक्ता लगायत डा. दीपेश केसीको पहिचान हो । बहुमुखी प्रतिभाका धनी केसी कुशल रणनीतिकारका रुपमा पनि चिनिन्छन् । अन्याय र बेथितीविरुद्ध लेख्न र बोल्न नडराउने केसीले सार्वजनिक जग्गा र पुरातात्विक महत्वका क्षेत्रमाथिको अतिक्रमणविरुद्ध धेरै कलम चलाए । यस क्रममा उनलाई ज्यान मार्ने धम्कीहरु पनि धेरै आयो तर कहिले लेख्न र बोल्न पछि हटेनन् ।
अहिले डा. दीपेश केसी बेथिती, अराजकता र अत्याचारको जरा उखेल्ने अठोटका साथ प्रतिनिधि सभा सदस्यका लागि ललितपुर क्षेत्र नं २ बाट चुनावी मैदानमा उत्रिएका छन् । ललितपुरको महालक्ष्मी नगरपालिका ८ को विष्णुडोल गाउँमा बुवा पुष्पराज केसी र आमा लीला केसीको कोखबाट जेठा सन्तानका रुपमा जन्मिएका केसी सानैदेखि तीक्ष्ण बुद्धि र निडर थिए । विपन्न आर्थिक अवस्थाको परिवार थियो । कहिलेकाहीं छाक टार्न पनि कठिन थियो परिवारलाई । खेती किसानी र बुवाको जागिरको भर थियो परिवारमा । तर, केसीको प्रगतिको रफ्तारलाई आर्थिक अभावले रोकेन ।
लुभुको बालकुञ्ज माविबाट प्राथमिक शिक्षा, ललितपुरको सातदोबाटोस्थित महेन्द्र आदर्श विद्याश्रमबाट माध्यमिक तह, पाटन संयुक्त क्याम्पसबाट आइएस्सी, गोदावरीको किटिनी कलेजबाट बीए, पाटन क्याम्पसबाट एमए उत्तीर्ण गरे केसीले । अध्ययनका बखत पनि उनी कुनै न कुनै आयआर्जनको काममा लागिरहन्थे । कुटोकोदालो गर्दै हुर्किए, गाईपालन, कुखुरा पालन, च्याऊ खेती समेत गरे । कृषिमा उनी रमाउन जान्छन् ।
विद्यालय पढ्दा पढ्दै गाउँ नजिकैको डीएम ब्रिक फेक्ट्री र हरिसिद्धि ईट्टा टायल कारखानामा मजदूरी गरेका थिए केसीले । कलेज पढ्दा पढ्दै विद्यालयमा केही वर्ष पढाए । त्यसपछि पत्रकारितामा लागे । अध्ययन चल्दै गर्दा पत्रकारिता पनि सँगै बढाए । विद्यालय र कलेज पढ्दा उनी सवारी साधन चढ्नै पैसा नभएर
