२ वटा मोटरसाइकल ठोक्किँदा सप्तरीमा दुवै चालकको ज्यान गयाे

खोजतलास

२०८२ आषाढ ८ आइतवार

8.1k Shares

सप्तरी – सप्तरीमा २ वटा मोटरसाइकल ठोक्किँदा दुवै चालकको ज्यान गएको छ ।

हनुमाननगर कङ्कालिनी नगरपालिका–१ भलुवा जाने बाँधको भित्री सडक खण्डमा आज दुई वटा मोटरसाइकल एकापसमा ठोक्किका हुन् । ज्यान गुमाउनेहरूमा सप्तरीको शम्भुनाथ नगरपालिका–११ राजपुरका १९ वषीय अविनाश मण्डल र कञ्चनरूप नगरपालिका–१ बैरवाका ३४ वर्षीय ओमप्रकाश पञ्जियार रहेका इलाका प्रहरी कार्यालय कञ्चनपुरका प्रहरी नायब उपरीक्षक माधवप्रसाद काफ्लेले जानकारी दिनुभयो ।

मोटरसाइकलको पछाडि बसेका कञ्चनरूप–१ का सुभास महतो सामान्य घाइते हुनुभएको छ ।