मनाङ नेका सभापति गुरुङद्वारा बाढीपहिरोको निरीक्षण गर्न मनाङ पुगेका पूर्व प्रधानमन्त्रीसहितका टोलीलाई धन्यवाद

पुर्व प्रधानमन्त्री माननीय पुष्प कमल दाहाल प्रचण्ड, माननीय उर्जा, जलश्रोत तथा सिंचाइ मन्त्री पम्फा भूषाल, माननीय देव गुरुङ, माननीय यसोदा सुवेदी गुरुङ, पुर्वराज्य मन्त्री टेक बहादुर गुरुङ, सचिव देवेन्द्र कार्की, प्रमुख कार्यकारी अधिकृत अनिल पोखरेल, हितेन्द्र शाक्य, सहसचिव कलानिधि पौडेल, महानिर्देशक अर्जुन थापालगायतका मुलुककै अति बिशिष्ठ अतिथिहरु मनाङ जिल्लामा बाढि पहिराले पु¥याएको क्षति अवलोकन तथा समाधानको लागि निरीक्षण गर्न गत शनिवार मनाङ पुगेका थिए ।

बाढी तथा पहिरोले घरवार विहिन र अझै हुन सक्ने क्षतिबाट त्रसित मनाङवासीको पिर मर्का बुझ्दै समाधानको उपाय बारेमा स्थलगत अवलोकान गर्न मनाङ पुगेका पुर्व प्रधानमन्त्री माननीय पुष्प कमल दाहाल ‘प्रचण्ड’, माननीय उर्जा, जलश्रोत तथा सिंचाइ मन्त्री पम्फा भूषाल, माननिय देव प्रसाद गुरुङ र माननिय यसोदा सुवेदी गुरुङ सहितको सम्पूर्ण टोलीलाई मनाङ जिल्लावासीलाई परेको महावित्तिको अवस्थामा स्थलगत निरीक्षण गरी समस्याको समाधानको उपायको लागि पुगेका सबै विशिष्ठ व्यक्तित्वहरुलाई पुर्व श्रम तथा रोजगार राज्य मन्त्री एवं नेपाली काँग्रेस मनाङका सभापति टेक बहादुर गुरुङ धन्यवाद व्यक्त गरेका छन् ।   

बाढी पहिरोबाट त्रसित मनाङ वासीको पिरमर्का बुझ्दै समाधानको उपाय बारेमा स्थलगत अवलोकान गर्न मनाङको मनाङ–ङिश्याङ गा.पा वडा नं–१ पिसाङ, चामे गा.पा., नाशोँ गा.पा.को दानक्यू पुगेका पुर्व प्रधानमन्त्री माननीय पुष्प कमल दाहाल ‘प्रचण्ड’, माननीय उर्जा, जलश्रोत तथा सिंचाइ मन्त्री पम्फा भूषालगायतका टोलीले मनाङ जिल्लाप्रति देखाएको चासोका कारण मनाङ वासीमा चाडै नै पुनर्जिवन प्राप्त गर्ने बिश्वास बढेको पुर्व राज्यमन्त्री गुरुङले खोजतलासलाई जानकारी दिएका छन् । सो विशिष्ठ टोलीसँग मनाङ पुगेका टेकबहादुर गुरुङ्गले ५५० मेगावाटको हाईड्रो पावरलाई सञ्चालनमा ल्याउन किन ढिलाई भयो भन्ने विषयमा पनि छलफल गरेको र चाडै नै उक्त हाईड्रो पावर सञ्चालनमा ल्याउने विषयमा गम्भीर छलफल भएको जानकारी गराएका छन् । हालसम्म मनाङ जिल्लामा यति ठूलो टोली नपुगेको र यसरी मनाङ जिल्लामा यति ठूलो विशिष्ठ व्यक्तिहरु पहिलो पटक पुगेकोमा पुर्व राज्यमन्त्री एवं नेपाली काँग्रेस मनाङ सभापतिले खुशी व्यक्त गरेका छन् ।